余香凝扮學生妹白白捱摑8次
藝人余香凝 （Jennifer）、葉童及帶同囡囡現身的谷祖琳等前晚現身電影首映，Jennifer與陳家樂分手而飽受劣評，但見她神采飛揚似已走出甩拖陰霾，並表示於片中飾演學生妹，她說：「由細到大我畀人嘅感覺係成熟啲，或者係年紀大啲，所以冇諗過會搵我做十幾歲嘅中學生。」但導演抽起了她的「第一次」，令她感可惜：「我第一次畀人摑，葉童（飾演其母）話會就力但真摑，摑完嗰下我即喊，佢氣場好犀利。（摑咗幾Take？）8個。」
葉童稱角色是怪獸家長，講到戲中掌摑Jennifer的戲份「被消失」，她懵然不知，但大讚對方可塑性高：「第一次接觸佢都係睇佢嘅戲，覺得佢今次做學生捉得好好，好有天分！」又搞笑指「有其母必有其女」，因大家都咁靚。