馬浚偉清楚「老婆」定欣搵幾多
馬浚偉與胡定欣這對皇上、王后昨日「微服出巡」出席活動，受訪期間重提胡定欣與張振朗的「姊弟戀」，馬浚偉見她招架不住即「護駕」：「我咩都知，係假嘅！不過有人追都係早啲講聲！」搞到胡定欣不禁嗌：「好熱添！」問到緋聞可會影響圈外追求者？她爆笑自揭有一籮追求者：「冇指定得一個，我咁嘅質素，點可以話畀人聽得一個呀！」
二人今日起程到多倫多登台5日，難掩興奮指《宮心計2深宮計》帶挈豬籠入水！講到收入多自然交稅多，馬浚偉強調絕無「漏報」：「所有都報足，唔慳得幾多，發現咗要賠一輩子，有時條數係好大，但要做個良好市民。」又踢爆胡定欣今年的稅款等於自己一年收入，並揶揄對方：「夫妻之間冇嘢要隱瞞！所以有人追你就出聲啦！」令她再次尷尬大笑！
