準港姐Hera操肌迎戰

「縮水薛凱琪」楊釩谷胸現身。

《2018香港小姐競選》下月舉行，早前分別進行兩輪面試，Foul剩20位佳麗入圍準決賽，並於昨日在電視城進行內部聚會，Hera、Honey、前As One成員陳苑澄、Sara、「嫩版章子怡」杜愛恩、「國產金喜善」蘭依婷、「縮水薛凱琪」楊釩等大熱入圍。狀態大勇的Hera對於被喻為翻版鍾楚紅表現開心，問到信心是否較大？她說：「盡力而為。（賽前勤做運動瘦身？）係，減咗2、3公斤，會做多啲運動，練多啲肌肉。」Honey則自信表示滿意身形，無意再減磅。

黎瑞恩世姪女被Out

獲網民讚有樣有身材的Sara，被問可覺得有優勢？她說：「唔覺，好多女仔都咁靚。（你啲廣東話唔係幾叻！）係麻麻，會繼續努力。」谷胸上陣的楊釩以唔鹹唔淡廣東話表示沒想過入圍，現時心情興奮，並會努力惡補廣東話。至於早前被揭父母雙亡的「脹版趙哲妤」中日混血兒工藤佑采亦殺入20強。

Hera透露努力做運動減磅。

丁子田（右）被網民熱捧，與陳苑澄齊齊入圍。

不過，被視為熱門的黎瑞恩世姪女吳天兒、犯罪學碩士Coco、「翻版楊怡」李敏嘉齊齊出局，令人意外。

候選佳麗莊嘉慧（左起）、鄧卓殷、梁致欣悉心打扮出席聚會。

Honey（右起）自信爆棚，旁為入圍佳麗黃子桐及高育英。