荷里活性感女神史嘉娜祖漢遜（Scarlett Johansson）早前宣布，將於傳記新片飾演變性淫業大亨Dante "Tex" Gill，被變性人團體批鬥她不是真正變性人，冇資格演出，結果被迫辭演！
史嘉娜去年主演日本動畫改編的《攻殼機動隊》（Ghost in the Shell）時，已引起角色「白化」風波，想不到主演同一導演Rupert Sanders新作《Rub and Tug》，又引起爭議。該片講述淫業大亨Dante "Tex" Gill生平故事，此人出生性別是女性，但以男性自居，要求別人稱呼為「Gill先生」，擁有女性戀人。Gill先生於70到80年代經營妓女生意，惡名昭彰。
變性人團體批鬥史嘉娜是「順性別人士」（認同自己是女人的女人），沒有資格演Gill先生，史嘉娜起初堅持決定，指出其他不是變性人的演員也演過變性人：「同佢哋講，可以搵Jeffrey Tambor、謝勒力圖（Jared Leto）同菲莉絲蒂夏夫曼（Felicity Huffman）嘅發言人回應。」但最後史嘉娜還是屈服，決定辭演，透過《Out》性小眾雜誌表示：「基於最近由我飾演Dante "Tex" Gill引起嘅道德問題，我決定好尊重咁退出呢個計劃。我哋文化對變性人士嘅理解繼續加深，而我喺第一次宣布演出後，亦從佢哋團體學到好多嘢，明白自己係唔夠敏感。」
不過有不少網友不滿荷里活極端左翼思維氾濫，有人留言嘲諷：「唔通我演農夫，就真係要係農夫咩？」亦有人很失望史嘉娜未有企硬到底：「佢向小眾跪低，而唔係以理服人。」