李佳芯惡鬥奶奶爆喊贏晒！

挺着巨肚演「寸嘴新抱」的李佳芯，夠晒入型入格！

Ali在劇中演活因意外懷孕而由「港女」變「港媽」的情節，獲大批網民激讚，加上她與飾演其奶奶的盧宛茵大戰連場，完美呈現千古難題－婆媳糾紛！二人由住屋問題爭論到湊B問題，劇情夠晒貼地，結果成為一班網民茶餘飯後的熱話，並大讚Ali：「演得好自然，惡鬥奶奶！」

粗魯蹺腳嘴藐藐

Ali前晚亦在社交網上載拍攝時的花絮照，留言說：「#BB來了之懷孕而不失霸氣~#自毀形象系列」相中的Ali身穿紅色貼身裙，肚大如籮「有咗」至少七個月，腹大便便的她一時托肚睥住鏡頭，一時又粗魯蹺腳嘴藐藐，狀甚「寸嘴」，還滲出陣陣「大媽Feel」，跟平日的女神形象截然不同，網民都笑她這副嘴臉很討厭，夠晒入戲！

劇情貼地有共鳴

Ali昨日受訪時，提到在劇中爆喊，她說：「成套劇好多大起大跌，唔止一場喊戲。（點代入角色？）身邊冇朋友生咗BB，所以上網睇『媽媽谷』，劇本又寫得夠貼地，所以唔難。（拍完套劇驚咗生B？）唔會，係開心事。」提到她在社交網上載粗魯蹺腳照，會否怕破壞形象？她笑言不會：「我都唔知自己喺觀眾心目中係咩形象。（男友介意你自毀形象？）佢介意就算啦，我好開心劇集反應好。」稍後劇情會發展到Ali經常要夾在「媽媽」陳秀珠及「奶奶」盧宛茵之間，令作為夾心人的她煩上加煩。

盧宛茵	作為新手媽媽夾在奶奶及媽媽之間，真係氣都冇得抖。	陳秀珠
李佳芯在劇中與「極品奶奶」盧宛茵罵戰連場。	李佳芯與黎諾懿演活時下年輕父母的辛酸。