胡楓笑謝賢大話精

藝人胡楓、陳庭欣、沈卓盈及黃子恆,昨日出席野生救援與無綫合作支持野生動物保育的簽約儀式。提到謝賢早前自爆當日為了宣傳《4個小生去旅行》,才掌摑曾江,胡楓笑言:「佢話係咪係囉!你哋舊聞都拎出嚟講。(謝賢講o架,你話佢?)我話佢使擇日子?(佢係咪講真?)佢成世都講大話,尤其對女人。」

同場的陳庭欣表示想低調處理戀情,又透露拍拖初期很甜蜜:「佢諗嘢比較成熟,好支持我嘅工作。」問到男友是否見過她父母?她承認已見家長,但指家人沒有評價:「咁應該代表OK。」