24歲多情天王Justin Bieber前日於社交網親證，與翻撻數星期的21歲名模Hailey Baldwin訂婚，除上載黑白錫面相外，更親撰情信冧未來老婆：「我真係好愛你……我個心完完全全屬於你，我會永遠以你為先，你係我一生中最愛！」他又自爆7月7日求婚，碰巧「7」字於其信仰中代表「完美」，覺得好有意思。Hailey亦於社交網留言回應：「唔知我成世做咗咩，值得有咁樣嘅幸福，但我好感激上帝，畀我一個咁不可思議嘅人同我分享人生，真係唔識點樣表達我有幾感恩。」而Justin老友柏德烈舒華辛力加（Patrick Schwarzenegger）則搞笑留言要做「花仔」。