歌手葉巧琳昨日出席Mira Place中庭舉行的《Gimme LiVe》音樂節，提到早前公司總動員歌手飛到斯德哥爾摩兩星期去創作音樂，她稱四日內創作了三首歌，但不及林二汶一日內作兩首歌。她又指之後眾人飛英國拍攝及Shopping：「用咗五位數字，主要係買咗兩個手袋，嗰邊有得退稅。同行嘅陳柏宇原來都買好多嘢，好多都係買畀老婆，反而林奕匡最慳家，唔係買好多嘢。」
