張頴康 畀刀割傷 額頭標血

馮盈盈嚇到大叫

張頴康昨日接受訪問時透露，凌晨時分在荔枝角拍攝一場過百人的打鬥戲份，飾演警察的他被道具刀割傷額頭及手掌，當場流血，同場的馮盈盈目睹後嚇到大叫。由於不停流血，他需坐在一旁休息及止血，但之後仍堅持拍攝：「其實好小事，因為今次拍戲啲道具刀係新製，比較硬淨，所以都幾容易受傷。（有人話係武指唔好？）唔關事，我自己失手啫，只係皮外傷，佢哋都好緊張，依家都準備再出發開工，冇乜大礙。」

澄清冇被嘲笑

昨午張頴康於油麻地繼續開工，額頭的傷痕靠化妝遮掩。他再次澄清沒有被武指嘲笑：「大家相識咗十幾年，唔會有取笑嘅成分。（太太麥雅緻有冇擔心？）佢朝早先知，已經同佢解釋咗，佢亦明白，會盡量小心，唔好嚇親老婆。」

另外，之前拍劇集《C9特工》撞傷頭的高海寧接受訪問，力撐武指沒有失職：「佢哋親自度完啲動作、試過晒位先畀我哋做，但始終我哋未做過，好多位置唔係咁準確，意外啲嘢真係好難講。」