內地女求借百萬救命 古天樂：真先會處理

古天樂指公司經常收到求助個案，若真的有需要便會盡力幫忙。

經常幫助弱勢社群的古天樂，除了在內地起學校，又捐錢起水窖等。昨日有一名內地女粉絲，趁他出席公開活動時「踩場」，跨越活動上一層的電梯圍欄外舉大字報，內容指父親患病，並留下電話，望古仔借一百萬。由於場面危險，最後被數名保安合力制服。

經常收到求助個案

事後古仔坦言不知事發經過，但該女子透過工作人員交信件給他：「其實公司都收到呢啲求助個案，有時擔心係騙案，所以會了解清楚，係真先會處理。（了解？）要了解清楚先，有時唔係講一個銀碼，捐款都係，會盡力去幫。（覺得個女仔行為過激？）咁樣擒出嚟，引起公眾安全問題，如果下面有人，跣親就唔好。」並指過往有社區團體、老人院及學校求助，所需僅是探訪或物質上需要，並非金錢上的協助。

放大圖片	數名保安合力制服女粉絲，將她拉回安全地方。

「佢唔借，死喺呢度算」

記者致電該女粉絲，來自廣州的她自稱與父親同患病，想向古仔借一百萬元：「我身上有兩個腫瘤，爸爸盆骨有事，我哋身體日日都好痛、好痛。之前喺廣州乞唔到錢，所以今日特登嚟香港想問古天樂借。（借幾多？）一百萬左右應該夠，我哋會還。」問到若對方不伸出援手會如何面對？她邊哭邊說：「佢唔借嘅話，我都唔會返去（廣州），死喺呢度算。」