林昕雨知衰退選兩頭唔到岸

「亞洲太平洋國際小姐」大會籌委會及主辦單位昨日發聲明，指林昕雨已於本年6月2日與單位簽經理人合約，參加港姐面試是違反雙方協議，不能接受，並保留法律追究權利。未知林昕雨是否為博宣傳，先後參加兩個選美，但她受訪時直言未知有關方面出聲明：「一切都安排得太倉促喇！自己都應該飲水思源，履行佢哋比賽先，我諗我都唔會繼續參加港姐選舉！」

何紫綸踢爆講大話

今年該選美由模特兒何紫綸的娛樂公司主辦，她回覆時堅拒對方吃回頭草，更暗嘲對方是一粒沙塵：「佢冇聯絡我，唔可以食兩家茶禮，之前我哋好畀心機訓練佢，點知原來佢去選第二間，對兩個選美都唔公平，做人唔應該太貪心，做藝人要尊重合約精神，係冇誠信。」她續說：「都唔會覺得自己唔好彩，上天可能覺得一粒沙塵入咗嚟我哋度，依家自己流走都好。」她又指原本林昕雨前日要出席宣傳活動，但指嫲嫲有事，原來去了港姐面試。

高海寧對「撞樣」O嘴

而無綫非戲劇分部經理暨節目監製何小慧表示：「佢只係嚟面試啫！未正式入圍，我哋同每個面試者都有講明，萬一佢哋有機會入圍，都要將本身有嘅合約解決晒先。」

此外，無綫藝人高海寧昨日出席無綫劇集宣傳活動。對於有指林昕雨與她「撞樣」，她即無奈O嘴說：「冇留意，真係似？（佢認有整容！）我覺得應該要天然美，如果個個整咪一樣樣？其實除咗外表，內在美都好緊要。」