戀情保密 姊妹超蓮都唔知
賭王三房千金何超蓮昨日出席女青商辦中學生社企大賽閉幕禮，對於好友吳千語被指與「富三代」施伯雄拍拖，她表示不知情：「我唔清楚o架，我哋唔係成日見面，佢都冇講任何嘢，佢同林峯分手我都係睇報紙先知，佢一向都冇乜講感情事。」
此外，超蓮坦言希望多些接觸弱勢社群，為傷健共融出一分力，並透露店舖有聘請弱勢社群：「知道佢哋好需要穩定收入，同其中一位有呢方面需要嘅人士簽咗長約，佢都好好，冇收到任何投訴，其他員工都好包容、照顧佢。」至於問到弟弟何猷啟的婚事籌備進度，她大爆：「依家好多嘢仲籌備緊，連邊日結婚都未知，可能今年內搞唔切。（你有冇幫手？）有呀，主要負責藝術上嘅嘢，始終女仔貪靚啲。」