陳詩欣峇里親親海豚 High過咀陸浩明
藝人陸浩明（6號）和模特兒女友陳詩欣（Ayan）最近去了峇里旅行，早前他們玩完越野車，又去了親親海豚。獲海豚獻吻的Ayan冧到不得了，笑言比與男友咀更興奮！但亮眼點當然是她以索爆三點式泳衣上陣，比海豚更吸睛！
女友安排圓心願
6號昨日受訪，透露今次「海豚之旅」由女友親自籌劃：「我哋放八日大假，原本想去希臘，但日子太短而改去峇里，一樣咁好玩！我女友安排好晒行程，其中一日去咗同海豚互動，呢個行程一直係佢心願，所以佢好開心。」他笑言強力推介情侶參加類似行程：「教練好Nice，教我哋摸海豚，餵佢哋食嘢，又有得錫錫，隻海豚都好乖，識聽人講嘢咁，我女友開心到震！呢啲行程真係好啱啲拖友去，一定冧死女朋友。」
