瑪姬遊墨爾本發現商機

藝人瑪姬早前去墨爾本旅遊12天,此行意想不到是,竟有當地一家新成立的餐飲顧問公司邀請她合作:「兩個老闆聯絡我,問我有冇興趣拍佢哋餐廳嘅新宣傳片,我話梗係好,所以去到第二日,我就喺一間日本餐廳拍片。」

之後瑪姬到處遊覽,並到當地著名的沙灘彩虹小屋拍照:「我好好奇究竟屋入面有咩,我見其中一間屋開咗門,就偷窺望入去,發現裏面有兩張椅同一張床,畀人租嚟換衫同休息用,唔使暴曬,令我有衝動買番間投資。」最後還去了坐蒸汽火車:「平時可以坐窗邊腳揈揈影相,有少少危險,但唔好彩,我去之前嗰個星期有人因為咁樣發生意外跌落嚟,所以改咗唔可以再咁樣影相。」