陶大宇梁榮忠勇哥義仔搶食兄弟班

由藝人陶大宇與梁榮忠演出的無綫劇《刑事偵緝檔案》系列,相隔23年在深宵時段重播大受歡迎,吸引不少觀眾追看。劇中二人的兄弟組合近日收六位數字酬勞拍網上廣告重現經典,但不是追賊,而是搶食。

有份演出《刑事》系列的男主角陶大宇,早前出席監製潘嘉德搞的台前幕後重聚飯局,大批演員均有出席,梁榮忠當日因身在海外而未有現身,不過,「勇哥」與「義仔」原來一早聚過頭。

日前二人再組兄弟班,為健康食品廣告拍攝一段融入《刑事》角色及劇情的廣告片,大宇再演「勇哥」查案,更親身演繹最為人知曉的「車匙」式英文名發音,他將廣告片女角Jessica讀為「車匙ca」,另外又再度展現招牌「掩面」動作,場面爆笑,連大宇自己都忍俊不禁,為現場工作人員帶來歡樂。他笑說:「乜我原來都幾多搞笑經典,個掩面動作係喺《心花放》做嘅,只係一個設計,冇諗過變成自己個Icon,拍廣告都話要我做番呢個動作,既然係咁,我都想將呢個咁個人化嘅Icon搞啲商品,娛樂吓大眾!」

「復出」喪跑喘晒氣

而梁榮忠多年未有演出,今次「復出」,全因老友大宇的關係,他透露已有半退休心態,希望往後時間除了做喜歡的幕後工作或遊歷不同地方外,以最貼地的形式享受人生,故對於幕前演出或訪問都興趣不大。今次拍攝,他再度「義仔」上身,跑幾條街搶能量棒都有點氣咳,但見番老友又回復生氣,傾到笑不停,並說:「《刑事》飯局我去唔到,但會再約佢哋敍舊嘅!」