劉雅麗驚臨場失聲攞定藥打底

藝人劉雅麗及譚偉權昨午到觀塘為歌舞劇《絕代芳華》綵排，並即場與Live Band夾歌，全程High爆！為配合演出，劉雅麗更染了一頭金髮兼剷短，她笑說：「我專登兩日唔洗頭先去漂（頭），所以冇咁痛，但坐咗5個鐘，嚟緊我仲要去上多次色。其實以前都試過咁，之後啲頭髮全部斷開，好彩我頭髮多咋！（接受到Skinhead？）我唔介意，但未有劇情需要啫。」
劉雅麗和譚偉權落力綵排，務求盡善盡美。
劉雅麗和譚偉權落力綵排，務求盡善盡美。

下周演出嗌緊張

雖然二人已非首次合作，但談到下周正式演出，他們都大呼緊張：「兩個鐘內要唱四十幾首歌，記歌詞又要轉妝換衫，分零鐘就要搞掂晒一個造型！」劉雅麗不諱言最擔心臨場失聲：「之前演出試過喇，我喺後台喊，嚇到梁家輝要嚟安慰我。我下星期會去睇醫生攞定藥打底，老實講歌舞劇搵錢唔及演唱會，又辛苦，不過我哋呢啲講滿足感。」問到可會加場？她直言：「好似話會海外巡迴，我哋唔理咁多，做好呢幾場先算！」

劉雅麗將在歌舞劇中扮演梅艷芳，已有不少經驗的她可說是駕輕就熟。
  • 劉雅麗將在歌舞劇中扮演梅艷芳，已有不少經驗的她可說是駕輕就熟。