葉梓嵐遭性騷擾 靠粉絲打救
被捧為「直播女神」的藝人葉梓嵐（Karen）擁有驕人上圍，在直播界吸納不少粉絲，但她坦言曾在直播期間受到言語騷擾，幸好有粉絲支持，成功集體擊退出言者！
愛與網友互動的Karen早前憑直播殺出血路，代表香港在台灣贏得獎項，並由台灣歌手林宥嘉親手頒發殊榮。不過風光背後，原來這條路並不容易，雖然身形嬌小零長腿，但自封「長腿哈比」的她試過受到言語騷擾：「曾經有人留言，話想睇吓我隻腳，又或者話我身材好好想睇吓！好在粉絲幫手，集體留言鬧走嗰個人。」
Karen感激粉絲支持，透露超過3萬粉絲已跟隨她兩年多：「由一開始冇乜人睇我直播，到高峰期有幾千人，真係唔係一件容易嘅事。（直播做咩多？）唱歌同傾偈，有時會爆吓娛樂圈嘅是非，每次都要Keep住個新鮮感，太悶就會唔睇你。」
再出寫真玩另類
曾推出個人寫真集的Karen，今年再殺入寫真界，並以「綑綁」作為主題：「我暫時未見過有人用呢個主題，遲啲仲會有半裸。」除此之外，她還參加選美真人騷《DIVA華麗之后》：「未選過美，入面有好多驚嚇嘢，真係一世人都未遇過！因為有分天堂隊同地獄隊，如果落地獄隊要同青蛙嗰啲瞓一晚。其實參加呢個比賽真係好大壓力，體力、心靈同埋是非都要處理，真係好攰。」
Profile
葉梓嵐（Karen）
身高：1米53
三圍：32F、23、32
興趣：打碟、健身
化妝及髮型：Amy Leung MakeUp