孖謝君豪親熱劉嘉玲爆偉仔監場

貴為舞台劇劇后的劉嘉玲與謝君豪合作演出英皇娛樂舞台劇《奪命証人》，將於7、8月假演藝學院公演，昨日二人以「夫妻檔」到電台宣傳，並預告會有親熱場口，但未綵排到，又反問記者有甚麼要求，記者笑問去到《色，戒》的大膽程度？嘉玲即霸氣說：「如果要都會做，有咩問題？大驚小怪！」卻嚇窒身旁的謝君豪，她即「補鑊」笑說：「總之你哋會感覺到我好愛佢，唔能夠冇咗佢。」她續指老公梁朝偉屆時會「監場」睇綵排。