猛讚Gin Lee「好Hot」側田嗒糖唔願走

側田甫登場便讚Gin性感。

一連兩晚的紅館處女騷《GIN LEE李幸倪first of all Live》前晚圓滿結束，尾場Family環節，Gin自爆鼓手爸爸當年是「男神」，吸引不少女仔慕名來「朝聖」，不過她搞笑說：「我媽媽都唔小嘢，當年佢有天使面孔、魔鬼身材，而依家係幸福狀態！」引來全場大笑！

除了歌手AGA（江海迦）外，Gin還請來全黑打扮的側田任嘉賓，他「跣」落草地舞台與Gin合唱《Kong》，之後望住性感的Gin口花花大叫「好Hot」，二人又即興合唱一小段張學友的《愛是永恆》，全場歡呼聲四起！他再讚Gin非常勤力：「由新人到依家見到你進步咗好多，So proud of you。」

舉家遊泰 解放水着

騷後Gin受訪時表示，邀家人上台是自己的提議：「咁難得嘅舞台好想同佢哋分享、見證，咁多年佢哋最擔心我，後尾真係好感動。」又笑指家人沒有追問感情事，至於現時可有追求者？她尷尬笑謂冇，隨即轉移話題指完騷後會請家人去泰國，預告會泳衣大解放：「Keep得咁辛苦唔好嘥咗佢。（應承着就要Post相！）着之嘛，哈哈！」又透露計劃舉行巡演，或由內地開始。

Gin處女騷剛結束，已計劃搞巡演。

個唱尾場，Gin向粉絲派心心。