照叫顏仟汶入屋 詹秉熙同太太齊齊整整
藝人詹秉熙與顏仟汶「契兄妹」關係傳出婚外情，日前再被斷正在元朗街頭水「雨」交融。昨日詹秉熙現身朋友新店開幕活動，對於與顏仟汶關係，他說：「呢啲唔講，講都講做嘢先啦！（契妹話要打破沉默喎？）咁呢啲你要問番佢！」問到兩人搭膊頭兼食同一支煙？他說：「呢個我有睇到，冇所謂，飲茶食飯梗有。（兄妹關係可有變？）好朋友囉，唔講呢啲啦！」
問到Sandy是否已變成前妻身份？他說：「千祈唔好咁講，係太太，千祈唔好搞錯，冇嘢，齊齊整整OK嘅！（太太睇到報道唔嬲？）大家都咁熟，又唔係唔識，又唔係唔知。（唔使解釋？）使乜解釋呀！明o架啦！(可會與顏仟汶減少見？）唔係少唔少見問題，有時工作上嘅安排冇得講。（工作以外呢？）都可以撞到喎，好似啲朋友Gathering都一樣會見到o架。（少上你屋企？）咁其實上屋企有咩問題？個個朋友都會上嚟燒嘢食，大家係朋友上嚟冇問題。」