藝人張衞健的一段短片近日在網上瘋傳，影片所見他在多名壯漢包圍下離開場所，有指他因涉毒被捕。對於有關傳聞，張衞健表示正身在香港，更在社交網站發文澄清，圖文並茂指正為搬屋煩惱。
他受訪時說：「我依家喺香港搬緊屋，好多嘢要執，唔得閒理呢件事！（會否擔心得罪咗人？）呢個世界好多人亂拎嘢嚟玩，真定假嘅一眼就睇得出！（段片本身係咩活動？）只係之前出騷，啲公安同保安陪我出入啫！」張衞健又認為網上傳聞得啖笑：「唔會嬲啦！成日畀人傳，之前仲傳過我胃癌，又話我離開娛樂圈。」