馬國明讚拍檔索女友冇份
去年憑《降魔的》奪得「最喜愛男角色」的馬國明，在無綫重頭劇《宮心計2深宮計》中飾演不苟言笑的護國將軍，被現實中已是女友身份的黃心穎暗戀，拍攝時兩人雖向外宣稱「發展中」，但演來卻很快到位，馬國明更透露劇中和心穎的咀戲，感覺很Sweet，沒有尷尬。
望吓都覺養眼
由於《宮》劇Sell女人爭鬥，馬國明表示不怕被搶鏡，認為與馬浚偉及蕭正楠的兄弟情夠吸引，而且與其他女角發展環環相扣，笑言每日開工見到美女如雲，絕對是眼睛吃冰淇淋：「冇嘢做嗰陣望吓都養眼啲，個個都好身材又靚喎！今次賣點之一係有出浴戲，但我冇得留低睇，皇上馬浚偉就多啲艷福囉！我記得有場戲周秀娜出浴，我畀對頭人引咗入去，先有幸見到娜姐膊頭咋！（邊位女藝人最好身材？）周秀娜、劉心悠、胡定欣、陳煒都好好，因為唐朝啲衫幾低胸。」竟然數漏女友黃心穎？他解釋說：「哦……因為心穎演宮女比較密實，冇佢哋咁性感啫！」
場地：Kyoto Joe
