去年外地秘婚Dash@Mr.報喜做爸爸

樂隊Mr.的低音結他手Dash（譚健文）在社交網上載BB超聲波照片，報喜快做爸爸！Dash昨日自爆去年已跟拍拖4年的女友Joana在外地秘密註冊結婚。他透露去年初在澳門準備了戒指、鮮花向女友求婚：「點都要跪一跪，佢冇喊，我哋好鍾意搞爛Gag，求完我話唔捨得隻戒指，佢戴咗即刻走，好驚我攞番。」
Dash表示求婚戒指價值5位數，笑言誠意緊要過幾多卡。
Dash表示求婚戒指價值5位數，笑言誠意緊要過幾多卡。

出年補擺酒

Dash透露太太懷孕6個月，預產期約在9月，計劃待太太生B後，明年才在香港或澳門補擺喜酒。問到太太佗仔定女？他笑說：「到時話你知！」憶起當日太太有喜，他正與Mr.四子開會，知道太太有喜即開心得目瞪口呆，笑指其孖生細佬阿榮知道後亦相當高興：「佢開心到錫咗我幾啖。」Mr.其餘四子齊聲恭喜Dash，主音Alan被問可會分享湊仔心得？他笑說：「預咗冇得瞓先，抽多啲時間陪小朋友。」同樣已為人父的鼓手Tom說：「好戥佢開心，喺Mr.裏面佢最能夠駕馭爸爸呢個職位，因為佢好似大哥哥咁照顧我哋。」

Mr.今年入行十周年，Dash又有小朋友，可謂雙喜臨門。
  • Mr.今年入行十周年，Dash又有小朋友，可謂雙喜臨門。