藝人魏駿傑昨日於西貢為其餐廳宣傳，特別安裝大螢幕配合世界盃的他說：「其實對生意冇乜大幫助，但係開心，投資五、六十萬。」留港期間全職湊女的他，表示可以一星期煮足21餐而不重複，又雀躍表示鍾意湊女，所有朋友都讚囡囡乖，他說：「佢從來唔會喝傭人，請傭人做嘢一定會講Please、Thank you，老師都讚佢係最乖嗰個，仲會幫同學寫手冊。」又指囡囡現時會在學校完成功課才回家，問到可有為她聘請補習老師？他說：「有，因為學校程度高，有時連我都寫錯啲中文字，我都接受緊教育o架！」
