郭偉亮請槍 特訓新星

藝人郭偉亮（Eric）日前為ViuTV選秀節目《Good Night Show全民造星》任星級導師，與火火分開兩組訓練參賽者。問到有何特訓招數？Eric笑說：「我安排咗側田教唱歌、麥秋成教跳舞，掂晒！（咁你做乜？）咪睇住晒成件事！要顧及導師同導師、學員同學員之間有冇不和。（有冇參賽者賄賂你？）咁會好多人講奉承說話，我最憎！（少少哋會受？）聽過好多次嗰啲冇用，冇聽過嘅容易嗒落去。」由於訓練為期三個月，喜歡外遊的他豈不是未能成行？Eric笑說：「我從未試過睇咁多男仔，太太成日話我掛住(目及)人唔專心揸車，今次將呢樣嘢放喺男士身上，其實香港好多人有潛質，希望造到個星出來！」