食客尋老闆娘 超蓮扮唔喺度

何家千金何超蓮昨日出席日本餐廳開幕，開牛肉麵店的她表示前來取經。被問有否食客慕名而來？她笑言有，更講出趣事：「有時我喺舖頭，要聽電話，啲客會直接問老闆娘喺唔喺度，我就扮話唔喺度！」問到舖頭生意，她表示最近食品的質素提高，希望半年可以回本，又指將餐廳的膠飲管轉成不銹鋼飲管，雖然成本較高但做到環保作用。