蔡思貝撇甩媽咪秘歎正菜

無綫花旦蔡思貝小時候常一家四口周圍旅遊，培養出好動性格：「最記得細個Daddy帶我同哥哥去公園玩吹泡泡，覺得好夢幻，可以玩成個晏晝。」自入行後，思貝不時被拍得陪父母逛街，廿四孝的她原來亦會撇下媽咪，與爸爸「拍拖」搵食，笑說：「因為媽咪鍾意乾淨，所以好多時我同Daddy會撇甩媽咪，捐窿捐罅搵好嘢食。」
思貝不時相約Daddy撐枱腳。
思貝不時相約Daddy撐枱腳。

曾到新西蘭及德國留學的她，每次回港過完暑假，送機時蔡父都會變成喊包，思貝笑說：「每次送機，Daddy都會好唔捨得我，我反而要扮堅強唔喊，氹番佢。Daddy永遠係最強後盾，而佢亦永遠都會偏心囡囡。」

思貝笑言每次講唔過媽咪，都會搵Daddy出手幫拖。
  • 思貝笑言每次講唔過媽咪，都會搵Daddy出手幫拖。