着少啲搶Fo 胡定欣遭軒仔公審！

《HINSIDEOUT張敬軒演唱會》前晚上演第二場，化身女裝「降兩度」的軒仔邀得《宮心計2深宮計》中，由太子妃變王后的胡定欣擔任嘉賓。他搞笑指未投身音樂界前，在電視圈已嶄露頭角，本來接到劇集好角色：「點知開波前兩日先知畀人搶咗個角色，我今晚就要公審佢……視后胡定欣！」
軒仔邀胡定欣做嘉賓，互窒搞氣氛。
軒仔邀胡定欣做嘉賓，互窒搞氣氛。

當定欣登場後，軒仔再度發功：「今晚做咩着咁少啊？見你着古裝都差啲認你唔到……高低眉！」她隨即回敬對方：「搶你風頭嘛！我夠見你着番女裝，都差啲想……嘔啊！」軒仔為定欣安排四面大電視的升降台：「啲人咁鍾意睇電視，咁今晚史上第一次直播《深宮計》！哈哈，講笑啫！」當軒仔想落台時，升降台未有下降，定欣即說：「睇路啊妹妹！深宮條路唔係你想像中咁易行o架！」

胡定欣在紅館唱《無悔無愧》，開心到失眠。
  • 胡定欣在紅館唱《無悔無愧》，開心到失眠。
軒仔獲同門泳兒、鍾舒漫及衛詩雅撐場。
  • 軒仔獲同門泳兒、鍾舒漫及衛詩雅撐場。