岑麗香唔續約撤走返加趕生B

2010年華姐冠軍岑麗香（香香），當選後跟無綫簽下長約，一直備受力捧，未為人妻時已是網民心目中的女神。外號「香香公主」的她，當年與其他無綫小花鍾嘉欣、李亞男、苟芸慧與王君馨被封為「處女黨」。雖然前年成為人妻，但香香的人氣不減，依然備受網民追捧，婚後的她還不介意拍劇時露肉，包括以比堅尼濕身玩水及小背心打沙灘排球！

樂易玲：有啱嘅工作再返嚟

女神事業正如日方中之際，近日卻傳出香香引退的消息！婚後兩年未有所出，心急想生BB的她決定暫且放低事業，早日締造幸福家庭，為此更索性不續約無綫，返加國向老公強強「交人」。

有關香香退出幕前生BB一事，無綫助理總經理（藝員管理及發展）樂易玲昨日回應時承認此事，對公司少了一位好演員坦言感可惜：「香香唔係同我哋解約，佢喺2010年當選華姐冠軍後，就同我哋簽咗好長合約，到今年接近呢幾日就完約。佢同無綫關係就好似仔女咁，自從結婚後呢兩年，佢都想放多啲時間畀家庭，同埋想生小朋友，我都好明白！香香有同我講想返加拿大好好陪老公及調理身體生小朋友，所以唔續約，等第時有啱嘅工作先再返嚟玩吓！（可惜？）在公嘅話，公司冇咗個好演員係好可惜，但在私嘅話，我都祝福佢有個幸福家庭！」

變「人妻黨」輪住生？ 香香圈中姊妹齊齊封嘴，以免走漏風聲！左起：王君馨、岑麗香、李亞男、苟芸慧、鍾嘉欣。

香香與老公強強婚後兩年都未有聲氣，開始心急造人。

好友夾口供 留畀香香公布

跟香香情同姊妹的「處女黨」成員，被追問香香是否有喜？她們都口密兼統一口徑稱不清楚，留待當事人回應，其中身在法國的苟芸慧說：「I am actually at le mans in France, with the racing team. Not so sure of that. Its better to leave it to eliza to answer it herself.（我跟賽車團隊正在法國，對於這件事情我也不太知道，最好還是留給她回應吧。）」至於李亞男則稱：「我唔清楚合約啲嘢，可以問Eliza（香香的英文名）或TVB。」王君馨同樣「封嘴」，只說：「呢啲嘢畀佢自己回應好啲！」身在加國的鍾嘉欣則於截稿前未有回覆。