周汶錡賣甩細仔返法國過暑假

名模周汶錡（Kathy）與樂基兒等悉心打扮行銀地氈，穿低胸裙的Kathy相當搶鏡！父親節即將來臨，育有兩歲及一歲大兒子Jacques與Avner的她，笑言因小朋友年紀尚小，所以要代為安排父親節活動，屆時應會一家人食飯慶祝。提到暑假快將來臨，她笑說：「應該會同老公帶大仔返法國，帶埋細仔太吃力，佢亦太細未能Enjoy。雖然對細仔好似唔係咁公平，但都冇辦法。」她又表示很喜歡去澳門，之後會帶兒子到訪這間新酒店，齊齊享用設施。