陸浩明女友陳詩欣 越南解放水着

在陸浩明的鏡頭下，陳詩欣的水着冇得輸！

陸浩明與拍拖多年的索爆模特兒女友陳詩欣，已達談婚論嫁階段，兩人不時在社交網放閃，6號契媽肥媽亦多番催他結婚。忙於拍攝烹飪節目《食好D食平D》的6號，早前抽空與Ayan到越南峴港旅行，Ayan穿上泳衣大解放，大晒標準模特兒身形，6號化身攝影師為女友操刀影水着照！

影女神償心願

穿上白色流蘇泳衣的Ayan在6號的鏡頭下，纖腰與長腿畢現，同時散發女神氣質，性感得來健康。不少網民一直指6號有個靚女友「執到」，相信泳照一出，必定令不少男網友葡萄。6號亦大讚女友身材好，一直很想為她影泳衣照：「想由自己嘅鏡頭之下影女友，帶出佢嘅氣質，但喺香港好難，因為沙灘好多人，又會畀人認得，私人泳池就唔畀影相，今次難得同佢夾到時間去旅行，所以就影咗呢輯相。」

6號指他們在峴港時正值雨季，當他們冒雨在沙灘漫步時難得天公作美，有兩小時放晴，他即把握機會拍下這輯唯美泳裝照，Ayan亦大讚他拍出水準。

陸浩明與女友陳詩欣旅行放閃。

陳詩欣在峴港沙灘留影。