林夏薇車禍傷頸驚影響生B
藝人林夏薇日前因車禍受傷，昨日她「帶傷上陣」出席活動，明顯因頸傷影響表現，有意生BB的她直言擔心影響身體，最希望能盡快康復應付工作。
林夏薇（薇薇）、模媽Lee Ann昨日到觀塘apm商場為世界盃主題活動擔任開幕嘉賓，同場有新鴻基地產（中國）執行董事馮秀炎及前德國球星希士拿。早前因車禍致頸部受傷的薇薇大騷長腿，上場挑戰控球及射門時顯得小心翼翼，她說：「老公係屋企嘅足球先生，每逢有球賽我都會抽時間陪老公睇波食消夜。」
留有陰影
薇薇日前在社交網貼出頸部X光照，並透露正接受治療，計劃調理身體生B的她，直認擔心意外會造成影響：「當初都驚，但醫生話冇咁嚴重，應該冇影響。（有陰影？）有呀！當時對方架車小路出大路應該停車讓，我依家見到路口，都會叫司機小心，或者停一停先。」
脊醫啪骨
問到頸傷復原情況，薇薇說：「脊醫幫我啪骨去番正常位置，但都要時間等佢恢復正常。（要幾耐康復？）起碼要休息三星期，但實質要休息幾耐好難講，要睇身體狀況，跟住我都要去錄口供，之後交畀警方處理。（涉事司機有聯絡？）冇任何聯絡，都係自己報咗警、聯絡保險方面，等緊警方開檔案調查解決。我最想係快啲好番，因為都有登台工作，要唱歌跳舞，依家好多嘢做唔到。」