緋聞對象傳分居江嘉敏：冇聯絡

曾與王浩信傳緋聞的江嘉敏昨日與歌手王灝兒（JW），到將軍澳廣場出席「足球狂熱Soccer Festival」揭幕禮。對於陳自瑤否認婚變及分居，江嘉敏說：「唔知呀，冇留意，尋晚拍劇到凌晨，今朝就趕住起身化妝。（戥佢哋開心？）都開心嘅。（會Send message畀浩信慰問？）唔會啦，好耐冇聯絡，依家搵佢好唐突，唔想畀人覺得咁八卦。」她又提到將出發到土耳其與劉穎鏇拍攝旅遊節目，為期半個月，坦言擔心當地危險，故不會穿背心短褲，又笑言可能會將錢掛在心口。