王浩信傳婚變 江嘉敏劃清界線

藝人江嘉敏與歌手胡鴻鈞昨日出席商場活動，大玩足球遊戲及唱歌，但江嘉敏唱歌時一度忘詞。提到王浩信與太太陳自瑤傳分居，曾是緋聞女友的江嘉敏稱不會打電話去關心對方：「大家拍完劇就冇再聯絡同見面，突然打畀佢好似好唐突同八卦。（因為你哋嘅緋聞而影響佢哋夫妻感情？）唔關事，我同佢冇再聯絡。」至於胡鴻鈞被不少網民要求與許廷鏗合拍港版HeHe劇《大叔的愛》，他大表樂意：「最重要係搞笑同有新鮮感。（介唔介意有接吻戲？）可能佢介意呢！唔好啦！我介意啊！（佢唔好錫？）未錫過唔知。」