何雁詩走出雪櫃天命回歸
歌手何雁詩（Stephanie）與藝人吳雲甫昨日出席「全新adidas Sport eyewear Essentials 系列發布會」活動，Stephanie早前因應付高爾夫球賽事，每日暴曬下而變成「黑妹」，但不介意比男友鄭俊弘（Fred）膚色更黑，她開心說：「代表我有幾勤力練波囉！」更乘機(R)撈，希望有美白產品代言工作。
當鄭俊弘皇上
Stephanie曾被傳因高調晒愛而遭無綫「雪藏」，自於無綫劇《使徒行者2》中客串演出後，已有多個月未再有新劇播出。不過「冷河期」似乎已過，Stephanie心情靚靚報喜指由她扮演公主的劇集《天命》，將於6月底出街，還主動提起Fred以粉碎情變傳聞：「同現實一樣都係公主，所以Fred都係皇室成員嚟，都係佢嘅光榮啊！佢都叫自己做皇上，佢有時會講『朕』有啲攰！」至於早前被拍得與男友同枱食飯冇偈傾，她覺得這種老夫老妻相處方式很 舒服。
另外，Fred與菊梓喬等出席無綫《Big Big小明星2018》之「全城起動日」活動，他異口同聲稱跟女友感情穩定。
