歌手許廷鏗昨日舉行新歌《恐怖情人》發布會，宣布8月初將於麥花臣場館開騷，並預告會跳舞。受訪時他開心表示新歌反應好，亦指很多朋友睇完MV都眼濕濕，但笑言他的出現破壞了故事。而講到網友提議他做日劇《大叔的愛》的港版男主角，連同性密友胡鴻鈞都叫他「破處」拍劇，他笑言：「我未試過拍劇，啲人話我似男主角，我有睇套劇，都覺自己同男主角嘅傻有啲似，但個樣似唔似就唔知，不過我都可以諗吓拍劇。」
