周秀娜堅稱冇損手

藝人周秀娜昨日與李克勤在旺角街頭出席The Club派發「Now 2018足球盛事手機版一日通行證」活動，對於有指其內衣生意已經結束，她坦言兩年前已與拍檔結束合作關係。問到可有損手離場？她坦言：「冇損手損腳，係有賺嘅，因為當時內衣生意啱啱開始，主要做網上生意，回本之餘都賺到少少。其後因為對方想開地舖，但我淨係想做網上生意，我冇咁多時間，而且香港租金同人工都貴，大家諗法唔一致，所以暫時結束合作關係。」講到世界盃將至，她表示想飛去現場睇，但因要工作沒有時間。
周秀娜和李克勤都表示會觀賞世界盃。
周秀娜和李克勤都表示會觀賞世界盃。

克勤嫌貴唔去俄羅斯

克勤亦表示不會飛去俄羅斯睇世界盃，因帶一家人去會很頭痛：「驚會走失，加上好多個人好貴。」講到他有份為ViuTV的世界盃主題曲獻聲，問身為「無綫契仔」的他可怕無綫嬲？他坦言：「係校長（譚詠麟）打嚟叫我參與，我去問老闆（楊受成），佢話本來唔同公司就唔得，但因為校長破例，為一件喜慶賽事去做我覺得OK。」此外，對於他和太太盧淑儀在網上分享囝囝Rex踢波奪得「Player of the year」獎盃的相片，克勤笑言：「都開心，希望佢繼續啦。」

周秀娜當年親身上陣做內衣店生招牌。
  • 周秀娜當年親身上陣做內衣店生招牌。
李克勤大晒球技。
  • 李克勤大晒球技。