蔡濟文黃翊衰衰格格重聚
「消失」多年的歌手蔡濟文（蔡仔）日前跟鄭敬基、黃翊、何婉盈、黃寶欣、劉小慧等歌手聚會，蔡仔退出樂壇後為家人打理燈飾生意，長駐上海工作，早年跟前無綫藝人陳珮珊結婚，現育有兩子。據知很多人邀蔡仔「出山」都被他推掉，昨日他受訪時笑言：「多謝畀面，大家客氣啫！」
蔡仔指當晚與一班歌手朋友聚會十分開心：「諗番起有咁嘅經歷幾好o架，又識到咁多好朋友，個感覺好真，冇花有假，廿幾年真係好開心，有機會再同佢哋食過。」黃翊上載了二人的合照，他笑說：「我四分一世紀冇見過蔡仔，見到佢梗開心，我同佢都係衰衰格格咁嘛，啱晒Key！」他還爆當年蔡仔青靚白淨，大受靚女歡迎，令人妒忌。