陳寶珠冇繪畫天分

粵劇名伶陳寶珠與兒子楊天經、梅雪詩等昨日出席水墨畫展，寶珠自言完全沒有繪畫天分：「畫咩類型都唔得，只識畫花、太陽，叫我織冷衫就得，書法都可以，細個喺廣州讀過卜卜齋寫毛筆字，抄過心經，書法可令思維平靜。」但她沒有保留自己的墨寶，反而天經就有不少媽咪的真迹：「我留咗好多媽咪寫畀我嘅卡，好似生日卡之類。」寶珠指兒子現時甚少畫畫送她：「佢寫字畀我多，寫低心中嘅說話，好感動，呢啲我就會收藏。」至於梅雪詩一直想學畫畫，讀書時的畫作還貼堂，可惜沒有時間學。