吳雨獲老闆撐化怒為喜

亞視前日有30多人離職。

斥指控唔公平

吳雨對於傳出「炒魷潮」跟他有關，昨日在電話中表示：「我點會使晒啲錢，都係應使得使，所有錢都係經老闆批，唔會濫用。」更為「使晒啲錢」的傳聞激動平反：「某些人嘅不負責任言論對我作出失實嘅指摘，係對我唔公平嘅，如果有證據就攞出嚟，呢啲指控係構成誹謗行為。」吳雨強調現在是顧問身份，所有執行工作跟他無關，着記者找亞視現有管理層了解。而亞視老闆鄧俊杰受訪時承認有30多位員工離職，至於再裁200人的傳聞，他說：「傳呢啲嘅人有病，冇咁嘅事！」他又指吳雨沒有「使晒啲錢」：「佢係該使即使。」事後吳雨對老闆撐他，表示感激！

朱慧敏投信任票

有指亞視節目重整後，《今晚見》會停播，主持朱慧敏表示未收到消息，並力撐吳雨：「唔相信外間對佢嘅指摘，對呢位資深電視人投信任一票。」另外，亞視對外事務部總監曾醒明，指30多位離職者中有幾位是自動辭職，亞視正重整架構，因節目策略及方針都有調校，才跟部分同事暫停合作，但有更多新節目時，會再聘請原本的員工。

亞視老闆鄧俊杰（左）力撐吳雨沒有「使晒啲錢」。

朱慧敏不信外間對吳雨的指摘。