陳家樂佗衰家變狀元
藝人陳家樂、林夏薇、江欣燕及陳山聰等前晚於將軍澳電視城出席無綫劇集《逆緣》祝捷晚宴，此劇大結局跨平台收視有30點，觀看人數達1,966,000人，全劇平均收視26.7點，是截至目前為止今年劇集收視之冠，高層曾勵珍及樂易玲都有出席支持，黎耀祥及姜大偉則因工作而缺席。
憑此劇人氣飆升的陳家樂坦言當初曾擔心會佗衰家：「驚得十幾點，又或者成為倉底貨，依家有咁嘅成績好意外，估唔到監製王心慰會搵我呢個知名度咁低嘅小朋友演個咁重要嘅角色。我都想再拍劇，同監製講想拍古裝，但佢笑我埋錯班。」他不諱言多得此劇帶挈不少搵真銀機會：「最開心係屋企人，佢哋睇住我捱咗十幾年，依家感覺好似我中狀元咁！」而林夏薇被問會否再請客慶祝？她說：「可以，家樂都想再請，佢搵多咗咁多喎！」