陳庭欣認愛：用心了解中

快將31歲的陳庭欣（Toby）被爆新歡登場，原來她與有米律師唐偉倫數月前已分手，愈戀愈富貴的她新歡是美容零售商老闆楊振源（Benny），昨日Toby大方認愛：「同佢兩年幾前喺一個朋友聚會認識，依家用心了解中，但我感情事想低調處理，我係圈中人，佢唔係，所以要保護佢，多謝大家關心，我會繼續畀心機做好工作、做好自己。」

其實Toby與Benny早已去到見家長階段，有讀者提供相片，指她現身男友的家庭聚會，更有一張有廿多人的家庭照，當中Benny用手攬着Toby，Toby如小鳥依人般，原來當晚是Benny的父母慶祝結婚四十周年紀念及母親節，可見Toby成功登堂入室。

新歡擁逾億身家

對於男友身家逾億，Toby表示與人交往不會過問背景、身世，認為最緊要溝通到。據知，Benny曾結婚，並育有兩子。而他與圈中女星包括孫慧雪、及曾介入周永恒及趙頌茹婚姻的「小三」o靚模劉依靜傳過緋聞。孫慧雪接受訪問時說：「同Benny係好朋友，其實都知佢哋開始咗，佢哋好襯，好戥佢哋開心，祝福佢哋。」至於與Toby傳足五年緋聞的港男翟威廉亦送上祝福，問他知否對方有新歡時，他說：「私人事唔會問我意見啦！不過作為好朋友，如果佢感情上有好發展，當然替佢高興，最緊要係生活開心。」