陳敏之出埠掛住個仔狂喊
藝人陳敏之前晚身穿露腰裝為無綫節目《流行經典50年》錄影，她透露剛由台灣拍攝旅行節目回港，在當地逗留半個月。她坦言做了媽咪後難得有深層睡眠，但半夜也會因掛住兒子而喊：「夜晚一個人亂咁諗，喊咗三次，係媽咪心態，當然拍嘢嗰陣就唔會睇住電話。」
講到好友王浩信及陳自瑤傳已分居，敏之祝福兩人開心、樣樣都好，但不方便評論，兩人亦沒有向她吐苦水，問到覺得他們關係是否生變？她說：「幾好呀！我發現唔到啲乜，都係留番畀佢哋處理。」
同場的樂隊Zen主音黃和興透露，將推出個人作品，明年3月在旺角麥花臣開騷：「個構思係喺香港未有人做過，唔止唱歌，仲會加埋視覺同聽覺！」