蕭潤邦江若琳互窒鬥冧

蕭潤邦傳授生意經，不過江若琳就嫌佢訓導主任上身。

話說，「生煎包王」蕭潤邦被網民讚高大靚仔，獲封「翻版張智霖」，估計江若琳心底係認同嘅，不過就口硬寸爆：「佢就想呀！呢位朋友眼係咪有事？」

• 二人到馬爾代夫預支蜜月，夠晒梳乎。

雖云好男不與女鬥，不過蕭潤邦依然時刻搵位入，二人早前到馬爾代夫旅行，問到江若琳的泳裝是否吸睛？蕭潤邦竟說：「着上身就冇嘢睇，女裝變男裝！」嘩，去到人身攻擊，難怪江若琳自家麵店開張，向男友取經的她大呻對方煩人：「一講就四個鐘！似足訓導主任。」

表面互片實則癡纏，恩愛的至高境界。