黃建東夠奔放着底褲通屋跑
藝人黃建東（Derek）自小已擁有超強表演欲，他笑說：「細個已經好鍾意表演，人生第一次表演係小學五年班，當時學校要籌備一個聖誕音樂劇，我就要扮隻老虎，着住老虎衫。」原來阿東是從眾多同學仔當中，面試脫穎而出才得到這次演出機會。
Derek還透露自己是名校生：「我都係高材生，成日考第一，喺Speech day頒獎禮攞過獎，書法都唔錯，大個就愈嚟愈差。」在學校是高材生，回到家中Derek就展現奔放一面，經常穿「底褲仔」示人，他笑說：「我屋企有三個男人，屋企文化係夏天就要着底褲仔走嚟走去。」Derek跟胞弟感情非常要好：「細細個已經好friend，我哋分上下格床瞓，傾偈傾到好夜，畀父母話我哋，叫我哋要瞓覺，又試過凌晨五點鐘扎醒咗，一齊望窗傾偈，好sweet！」
