黃美棋識煮唔識劏倒瀉籮蟹

藝人黃美棋最近為無綫節目《美女廚房》拍攝宣傳片，曾在美國留學的美棋識整幾味，廚藝不太失禮：「當年同房係台灣人，佢有教我整魯肉飯、鹽酥雞、紅燒牛肉麵，我自己就最拿手炸嘢，同學仔試過我啲手勢都係正評嘅，可能大家要求唔係好高啦！（最驚喺節目整咩？）劏嘢係弱項，相信十個女仔九個都驚田雞，就算墨魚、龍蝦我都驚！記得以前成班朋友買蟹返屋企整，點知冇人識劏，大家雞手鴨腳好大陣仗！」