劉思希慣性富貴想窮番次
有無綫「御用千金小姐」之稱的劉思希在多套劇集皆扮演千金小姐角色，雖然令她在觀眾腦海中留下印象，但喜歡挑戰的劉思希卻希望多嘗試，最希望做窮家女「貼地」角色。
藝員劉思希在過去拍過的劇集《巨輪》、《巨輪II》、《逆緣》及剛完成的古裝劇《丫鬟大聯盟》中，皆飾演千金小姐角色，所以有無綫「御用千金小姐」稱號，她笑說：「拍《丫鬟大聯盟》嘅時候編劇同我講，你大小姐味道太重喇，所以冇辦法，就算拍古裝都係做千金小姐。」
「御用千金小姐」太深入民心，令觀眾留下深刻印象，不少街坊都稱呼她做千金小姐，但劉思希卻希望有機會挑戰其他角色，她笑說：「千金小姐我做得太純熟，想做吓窮家女『貼地』啲嘅角色，做演員會想挑戰唔同角色，好似《迷》做一個大陸落嚟好粗魯嘅女仔，覺得好好玩，又可以畀觀眾睇到另一面。其實我都可以唔係千金小姐，可以好『貼地』o架，哈哈。」
學夏文汐 要放啲
劉思希於日前播畢的《逆緣》中，與前輩夏文汐有合作機會，她讚夏文汐沒有架子，合作愉快，從她身上學到很多東西，她說：「佢好快可以入戲，開機同未開機係兩種狀態，一開機就投入到角色。」夏文汐年輕時拍過不少前衞作品，劉思希亦因今次合作專程找來欣賞，影響到她拍《丫鬟大聯盟》時更投入角色，她說：「睇完夏文汐以前嘅作品，令我覺得做演員應該要放啲，成熟嘅演員係要放低思想包袱。」
文：影視組
攝：劉斌
場地：福岡.烏龍魚男
髮型：Eric@100Grams