克勤堅拒跳舞：太粗重

其實克勤、Endy及AGA在歌曲上早有合作，互為大家寫歌，反而同台開音樂會是首次，歌迷都期待三人「合體」擦出火花。克勤說：「佢兩個都寫過歌畀我，當然我唔係齋唱就算，拉闊咁多年玩法，總會係同歌手自己開騷時唔同，所以希望喺有限時間內準備到一啲嘢，唔敢話係耳目一新，但都可以畀到新鮮感觀眾。我哋三個當然唔準備跳舞，因為都唔係新鮮感，而係『太粗重』。」Endy和AGA均說：「因為我哋Style唔同，完全估唔到我哋點合作，但我哋傾傾吓發覺有共同興趣，都鍾意聽玉置浩二，對日本歌有情意結，同埋我哋嘅歌詞好多時有櫻花同雪嘅主題。」

隊友互補不足

克勤合作過的歌手遍及不同年代，包括林子祥、容祖兒、關淑怡、張敬軒和王菀之，今次則夥拍Endy和AGA，克勤笑言：「多謝佢哋唔嫌棄我！」又說：「我有好多跟唔同單位合作嘅經驗，同過校長（譚詠麟）又同過祖兒，自己亦有開騷，一個人有一個人好玩，成敗都係自己一個人孭。同另外一個人，就會有另一個感覺，但互相幫大家撐傘，好似首歌我彈唔好，有周仔（Endy）喺隔籬幫手彈好啲，係似一個隊友感覺。」大家互補不足？Endy坦言：「咁我放心晒，唱歌唔擔心嘞。」克勤在旁笑謂：「你睇我好，我睇你好啫。」AGA則說：「第一次同兩個男歌手同台合作，相信會係好好嘅經歷。」

AGA	曾經在演唱會中跳舞的克勤，今次不欲獻舞技。

合作新歌講緣分

講到要面對唱功了得的克勤，是否令兩人添壓力？克勤笑言：「你唔反過嚟問我有冇壓力？梗係有，雖然做咗咁多年，但出場時嗰種戰戰兢兢、緊張呀，要去多次廁所先，但一行出台就冇事。」問三人可會為音樂會創作新歌？克勤覺得歌曲要講緣分，不想為做而做，Endy就說：「如克勤所講，騷只係一個開始，可以完咗後，有更多可能性，尤其喺音樂上。」

文：音樂組

攝：張福宏