溫碧霞預告開騷實跌膊

藝人溫碧霞（Irene）昨日以清涼Look上電台，為6月中假旺角麥花臣場館舉行的個唱宣傳，問到演唱會的籌備進度時，她表示正在揀歌，之後會開始練歌及排舞：「剩番一個月都冇，時間過得好快。（跳舞難唔難？）未開始排，但應該唔會太難，同埋都唔會跳得太勁，因為主要以慢歌為主。」Irene又自信表示對跳舞有信心：「冇就好難做。」她指現時會做運動操Fit身體及練氣，以保持狀態，希望留到一個美好的回憶給Fans。講到演唱會的服裝，Irene笑說一定會見到「招牌」膊頭：「今次啲衫好靚，係特別做，唔可以唔跌膊，今年又咁興！自己覺得靚、美感好緊要。」