楊秀惠泳池激咀吳偉豪？

藝人楊秀惠參與無綫處境劇《愛．回家之開心速遞》演出，這位「姐姐」更混入學生堆做老師，令整套劇頓時Young晒。而此劇收視保持高企，可能與劇情愈玩愈激有關！劇情講到小鮮肉吳偉豪飾演的朱凌凌，見到楊秀惠飾演的靚女教授Miss Tong嗒晒糖，即時湧現曖昧感覺，正當大家仲估緊會不會譜出「姊弟戀」之際，前晚預告片中就講到朱凌凌於泳池見到Miss Tong出水芙蓉一刻，即出手抱抱，最後更疑似水中「濕吻」！